Adna sa zdymačnych placovak «Uładara piarścionkaŭ». Fota depositphotos.com.
Viadomuju novaziełandskuju studyju śpiecefiektaŭ Weta Digital pradali pa košcie 1,63 miljardy dalaraŭ. Studyja viadomaja tym, što tam rabili śpiecefiekty dla suśvietna viadomych filmaŭ, u tym liku dla «Avatara» i «Uładara piarścionkaŭ». Režysior «Uładara piarścionkaŭ», Piter Džeksan, taksama byŭ adnym z zasnavalnikaŭ studyi.
Pakupnikom Weta Digital stała amierykanskaja kampanija pa raspracoŭcy videahulniaŭ Unity Software. Novyja ŭłaśniki studyi abiacajuć, što stvoranyja na joj technałohii buduć demakratyzavanyja i ich pieradaduć u ruki «miljonaŭ tvorcaŭ i mastakoŭ va ŭsim śviecie», piša Guardian.
Pradstaŭniki Unity Software źbirajucca intehravać technałohii studyi ŭ pracu ŭłasnaj virtualnaj płatformy. Jany ličać, što śpiecefiekty ad Weta Digital vyrašalna paŭpłyvajuć na raspracoŭku technałohij mietasuśvietu — pašyranaj viersii virtualnaj realnaści, jakaja, zhodna ź niekatorymi ekśpiertami, moža być budučyniaj internetu.
Mienš čym try miesiacy tamu novaziełandskaja kinaindustryja straciła vielizarny kantrakt koštam bolš čym u miljard dalaraŭ. Heta adbyłosia, kali kampanija Amazon pieraniesła z Novaj Ziełandyi ŭ Brytaniju vytvorčaść adaptacyi «Uładara piarścionkaŭ» dla telebačańnia. Ciapierašni prodaž studyi śpiecefiektaŭ nazyvajuć jašče adnym udaram pa kinaindustryi dziaržavy.
Ambicyjny prajekt Džefa Biezasa: kaśmičnaja stancyja dla turystaŭ. Jana budzie paraŭnalnaja z MKS
