Ale praz paru hadzin žančyna padała ŭ adstaŭku: jaje partnior pa kaalicyi pakinuŭ urad, a biudžet, prapanavany imi, nie byŭ pryniaty.
Zamiest hetaha parłamient prahałasavaŭ za biudžet, składzieny apazicyjaj, u skład jakoj uvachodziać pravyja palityki, jakija vystupajuć suprać imihrantaŭ.
«Ja skazała śpikieru, što chaču syści ŭ adstaŭku», — zajaviła Mahdalena Andersan žurnalistam, pieradaje Bi-bi-si.
Samo abrańnie novaha premjer-ministra było niaprostym: z 349 deputataŭ ryksdaha, šviedskaha parłamienta, 174 prahałasavali suprać jaje. Ale akramia 117 deputataŭ, jakija padtrymali spadaryniu Andersan, jašče 57 ustrymalisia. Tamu jaje ŭsio roŭna abrali, pakolki, pavodle šviedskaha zakanadaŭstva, dastatkova, kab suprać kandydatury nie prahałasavała bolšaść.
