Delfi.lt
«Što tyčycca zajavaŭ ab mahčymym spynieńni tranzitu biełaruskich uhnajeńniaŭ, my, viadoma, byli hatovyja da takoha raźvićcia padziej zychodziačy z absalutna chaatyčnaj palityki Litvy na biełaruskim kirunku. Jašče z maja-červienia my rychtavalisia ŭ tym liku da takoha varyjantu, adpracoŭvali alternatyvy. Kali chtości ŭ Litvie ličyć, što heta naniasie niejkuju škodu Biełarusi, to mahu z usioj adkaznaściu zajavić, što hałoŭnaja škoda budzie naniesienaja samoj Litvie. Voś takuju ž škodu kraina naniesła sabie palityčnaj admovaj ad kupli biełaruskaj elektraenierhii, jakaja abyšłasia b Litvie jak minimum u dva razy tańniej taho ŭzroŭniu, pa jakim jany kuplajuć ciapier na aptovym rynku», — skazaŭ Raman Hałoŭčanka.
Premjer-ministr padkreśliŭ, što kali Litva spynić tranzit biełaruskich uhnajeńniaŭ, heta budzie parušeńniem usich mižnarodnych abaviazalnictvaŭ.
«My heta biez adkazu nie pakiniem. Nam pryjdziecca prymać miery ŭ adkaz. Jak vy viedajecie, biełaruski ekspart u Litvu składaje kala $ 1 młrd, ale ŭ asnoŭnym heta syravina i materyjały, jakija nabyvajuć litoŭskija kampanii dla nastupnaj pierapracoŭki. Heta tyčycca pradukcyi drevaapracoŭki, palimieraŭ i hetak dalej. Kali my spynim pastaŭki hetych tavaraŭ, pieraaryjentujem ich na inšyja rynki, chaj litoŭski biznes spytaje ŭ svajho ŭrada, jak jon budzie vyrašać ich prablemy», — zajaviŭ čynoŭnik.
«Tym nie mienš my ŭsio ž taki miarkujem, što zdarovy sens pieramoža», — reziumavaŭ Raman Hałoŭčanka.
Skandał vakoł pastaŭki biełaruskich uhnajeńniaŭ razhareŭsia na pačatku śniežnia, kali pačali dziejničać sankcyi ZŠA suprać «Biełaruśkalija». Hetym razam pad zabaronu trapiła ŭsia pradukcyja biełaruskaha pradpryjemstva. Adnak uhnajeńni praź Litvu, da Kłajpiedy, praciahvajuć pastupać, bo byli apłačanyja pastaŭki. Heta vyklikała skandał. Ministry zamiežnych spraŭ i transpartu Litvy napisali zajavy ab adstaŭcy, ale zachavali pasady.
