Fota: telegraf.by
Tut tonki momant. Bo kali vy padumali, što sama śpiavačka pačuła ŭ handlovym domie «Paleśsie» svaju pieśniu i pajšła ŭ sud, to heta nie tak. Niepasredna Brežnieva nie padavała ŭ sud na handlovy dom, u pasiadžeńniach jana taksama ŭdzieł nie prymaje.
Usim hetym zajmajecca Biełaruskaje tavarystva aŭtaraŭ, vykanaŭcaŭ i inšych pravaŭładalnikaŭ (BTAVP). Jano i pradstaŭlaje intaresy Brežnievaj. BTAVP i padało isk da «Paleśsia» — za niezakonnaje vykarystańnie fanahramy artystki.
«U kožnaj cyvilizavanaj krainie isnujuć padobnyja arhanizacyi. U nas znosiny z rasijskaj arhanizacyjaj, jakaja zajmajecca ŭpraŭleńniem pravami. Adpaviedna, nam pieradadzienyja pravy ŭ tym liku i na fanahramy Viery Brežnievaj, i pravy pradstaŭlać jaje intaresy.
Heta suśvietnaja praktyka. Umoŭnaja Adel ža nie budzie sama chadzić u biełaruski sud, naprykład. Jana ŭpaŭnavažyć svaju arhanizacyju ŭ Brytanii, jany buduć zaklučać damovy z arhanizacyjami pa ŭsim śviecie, jakija na padstavie hetych paŭnamoctvaŭ buduć pradstaŭlać intaresy artysta, zajmacca zboram uznaharodžańnia na jaho karyść», — rastłumačyŭ «Našaj Nivie» Siarhiej Śvietkin, namieśnik dyrektara BTAVP.
Kolki ž hrošaj chočuć spahnać z «Paleśsia»?
«Pakul idzie praces, my nie možam razhałošvać źviestki. Sumu kampiensacyi my možam zaprasić adnu, a sud vyniesie inšuju, tamu taksama pakul nie budziem ahučvać. Jak tolki našy patrabavańni zadavolać — my ŭsio apublikujem, — adkazaŭ «Našaj Nivie» Śvietkin. — Mahu skazać tolki, što my vybirali pamier kampiensacyi z punktu hledžańnia sudovaj praktyki».
U «Paleśsi» «Našaj Nivie» paviedamli, što finalnaje pasiadžeńnie pa spravie adbudziecca 24 śniežnia. Ale ŭ ich užo jość infarmacyja, što pradstaŭnikam Brežnievaj admovili ŭ isku i nijakuju kampiensacyju na karyść śpiavački spłačvać nichto nie budzie.
«My vyjhrali spravu», — adznačyli ŭ handlovym domie «Paleśsie».
Čytajcie taksama: Zarad enierhii i rašučaści. TOP-20 biełaruskich miemaŭ sychodziačaha hoda
