Premjer Litvy Inhryda Šymanicie zajaviła, što ŭrad krainy nie płanuje spyniać tranzit biełaruskaha kaliju «luboj canoj». Jaje słovy pieradaje teleradyjokampanija LRT.
«My šukajem rašeńnie, jakoje, z adnaho boku, zachavaje reputacyju našaj dziaržaŭnaj kampanii [Litoŭskija čyhunki], u tym liku ŭ vačach našych sajuźnikaŭ, a z druhoha boku, abaronić urad i dziaržavu ad nieabhruntavanych pretenzij abo finansavaj škody», — zajaviła premjer.
Pa słovach Šymanicie, litoŭski ŭrad pastarajecca vypracavać takoje rašeńnie, jakoje možna budzie «abaranić u sudzie».
Na hetym tydni ŭ «Biełaruśkalii» zajavili, što ŭ vypadku spynieńnia tranzitu Litva sutykniecca sa šmatmiljardnymi pazovami ad klijentaŭ biełaruskaj kampanii.
Urad Litvy abiacaje pryniać kančatkovaje rašeńnie na praciahu troch tydniaŭ.
Skandał ź biełaruskimi hruzami razyhraŭsia ŭ pačatku śniežnia, kali ŭstupili ŭ dziejańnie sankcyi ZŠA. Hruzy praciahvajuć pastaŭlacca ŭ Kłajpiedu.
