«My stracili talenavitaha artysta. Jaho sychod — ciažkaja i niezamiennaja strata dla ŭsich nas», — havorycca ŭ paviedamleńni na sajcie teatra.
Vital Bykaŭ naradziŭsia 26 červienia 1941 hoda ŭ Daŭhaŭpiłsie ŭ Łatvii. U 1964 hodzie skončyŭ Leninhradski instytut teatra, muzyki i kino, pierabraŭsia ŭ Minsk. U Teatry imia Horkaha pracavaŭ z 1972 hoda, tam syhraŭ bolš za 60 rolaŭ. Siarod jakich: Haŭryła — «Haračaje serca» A. Astroŭskaha, Čort — «Ptuški našaj maładości», Donalbajn — «Makbiet», Robiert — «Trochhrašovaja opiera» B. Brechta, Hildenstern — «Hamlet», Kałandzionak — «Znak biady» dy inš.
Syhraŭ taksama niekalki rolaŭ u kino, u tym liku dyrektara dziciačaha doma ŭ kultavych «Korciku» i «Bronzavaj ptušcy», Śviantkoŭskaha ŭ «Znaku biady».
