Ciapier Finlandyja i Šviecyja nie źjaŭlajucca členami NATA, ale ciesna supracoŭničajuć z aljansam u statusie dziaržaŭ-partnioraŭ.
Ale ŭ pačatku studzienia premjer-ministr Finlandyi Sanna Maryn zajaviła, što kraina zachoŭvaje za saboj mahčymaść padačy zajaŭki na ŭstupleńnie ŭ NATA. «My pavinny šanavać hetu svabodu vybaru i zachoŭvać jaje, tamu što jana tyčycca prava kožnaj krainy prymać ułasnyja rašeńni ŭ halinie biaśpieki», - skazała jana.
Nułand adnosna hetaha skazała:
«Miarkuju, piać administracyj ZŠA, u jakich ja pracavała, zaŭsiody kazali Finlandyi i Šviecyi: «U luby čas, kali vy zachočacie abmierkavać z nami siabroŭstva, my hatovyja heta zrabić».
Kali abiedźvie krainy zachočuć ŭstupić u vajenny błok, ich buduć aceńvać «pa vysokich standartach», staŭleńnie da ich budzie inšaje, čym da krain z Uschodniaj Jeŭropy.
«Vidavočna, što jany daŭno stvaryli stabilnyja demakratyi, tak što hetaja razmova budzie krychu inšaj, čym z krainami, jakija znachodziacca ŭ stanie pierachodu da demakratyčnaj sistemy i majuć spravu z surjoznymi prablemami: karupcyjaj, ekanamičnymi reformami, stabilnaściu demakratyi», — adznačyła Nułand.
