Fota: timbrk / depositphotos.com
Jak śćviardžaje vydańnie, na Zachadzie paličyli, što adklučeńnie Rasiei ad SWIFT paciahnie za saboj zanadta šmat prablem. Heta pryviało b u najbližejšaj pierśpiektyvie da destabilizacyi finansavych rynkaŭ, a ŭ siarednieterminovaj — da stvareńnia alternatyŭnaj infrastruktury płaciažoŭ, u jakoj Zachad užo nie adyhryvaŭ by daminantnaj roli.
Zamiest hetaha ŭ vypadku nieabchodnaści rychtujucca metanakiravanyja ekanamičnyja sankcyi suprać najbujniejšych rasijskich bankaŭ. Pry hetym Hiermanija nastojvaje na vyklučeńniach z metaj zabieśpiačeńnia dalejšych płaciažoŭ za rasijskija pastaŭki hazu i nafty, paviedamili krynicy Handelsblatt.
U toj ža čas ahienctva Reuters, spasyłajučysia na krynicy va ŭradavych kołach Hiermanii, abvierhła paviedamleńnie Handelsblatt ab admovie ad opcyi vyklučeńnia Rasiei z SWIFT. Takoje rašeńnie pakul nie pryniata, zajaviŭ surazmoŭca ahienctva.
Adklučeńnie Rasii ad sistemy SWIFT tradycyjna nazyvajecca siarod mahčymych maštabnych zachodnich sankcyj, jakija mohuć prymianiacca ŭ vypadku novaj ahresii Rasii suprać Ukrainy.
Čytajcie taksama:
NYT: Kali Rasija akupuje Ukrainu, ZŠA padtrymajuć partyzanski ruch u joj
Sienat ZŠA adkryŭ, što źbirajecca rabić, kali Rasija napadzie na Ukrainu
ZŠA dumajuć pra zabaronu pastavak telefonaŭ u Rasiju ŭ vypadku ŭvarvańnia va Ukrainu
Biełaruskija banki padklučylisia da rasijskaha anałaha SWIFT. Ciapier im nijakija sankcyi nie strašnyja?
