«U 2022 hodzie pracentnaja palityka pa-raniejšamu budzie aryjentavanaja na padtrymańnie pracentnych stavak finansavaha rynku na stanoŭčym uzroŭni ŭ realnym vyražeńni. Pry hetym nie vyklučajecca, što pa miery zapavolvańnia inflacyi i pry adsutnaści novych šokaŭ u ekanomicy pracentnyja staŭki na kredytna-depazitnym rynku pačnuć pastupova źnižacca. Što tyčycca staŭki refinansavańnia, prahnazujecca, što jaje siaredniehadavoje značeńnie ŭ 2022 hodzie składziecca ŭ miežach 9-10% hadavych», — skazaŭ Siarhiej Kalečyc.
Nacbank u minułym hodzie na fonie paskareńnia inflacyi dvojčy prymaŭ rašeńnie ab pavyšeńni staŭki refinansavańnia.
Z 21 lipienia 2021 hoda jana na ŭzroŭni 9,25% hadavych.
Staŭka refinansavańnia — staŭka Nacbanka Respubliki Biełaruś, jakaja źjaŭlajecca bazavym instrumientam rehulavańnia ŭzroŭniu pracentnych stavak na hrašovym rynku. Jana, naprykład, słužyć asnovaj dla pracentnych stavak pa apieracyjach, što pradastaŭlajucca bankam.