Pra heta zajaviŭ kiraŭnik Biuro nacbiaśpieki Polščy Pavieł Sołach paśla narady z udziełam čalcoŭ urada i prezidenta Polščy, paviedamlaje «Ukrainskaja praŭda».
Pavieł Sałoch paviedamiŭ, što padčas sustrečy «abmiarkoŭvałasia pytańnie kamunikacyi i prapanoŭ, jakija buduć pradstaŭlenyja na abmierkavańni z sajuźnikami».
«My čakajem, što heta adbudziecca ŭ najbližejšyja dni», skazaŭ kiraŭnik biuro.
«Abmiarkoŭvałasia pytańnie vajennaj dapamohi. Pakul ja nie mahu padzialicca detalami», — dadaŭ jon. Sołach zajaviŭ, što «samym važnym ciapier źjaŭlajecca kaardynacyja pamiž sajuźnikami».
«Kali my budziem mieć spravu z uzbrojenaj kanfrantacyjaj, to najvažniejšaj była b vajennaja i humanitarnaja dapamoha. Vielmi važnaja dziejnaść u palityčnym vymiareńni i farmavańnie adzinaha mesedža z boku zachodnich krain», — adznačyŭ kiraŭnik Biuro nacyjanalnaj biaśpieki.
«Ciapier ab pavieličeńni našych vojskaŭ va Ukrainie havorka nie idzie. Ukraincy taksama hetaha nie prosiać. My starajemsia ŭzhadniać usie dziejańni z našymi sajuźnikami», - dadaŭ jon.
Taksama, pavodle jaho słoŭ, u bližejšy čas čakajuć polska-amierykanskija kansultacyi na hetuju temu.