Majontak Michała Kleafasa Ahinskaha zaprašaje ŭsich achvotnych na fiestyval‑kirmaš 8 žniŭnia (subota) a 11‑j hadzinie.
Zaleski sielsaviet staŭ inicyjataram mierapryjemstva, jakoje adbudziecca, dziakujučy sponsarskaj dapamozie zaleskich pradpryjemstvaŭ i pradprymalnikaŭ, źviazanych z Zaleśsiem. Jak paviedamiła staršynia sielsavieta Ała Šycikava, śviata pad nazvaj «Zaleśsie zaprašaje siabroŭ» ładzicca ŭpieršyniu, ale ŭ płanach arhanizataraŭ zrabić jaho štohadovym.
Muzyčnyja kalektyvy sa Smarhonskaha, Połackaha Kryčaŭskaha rajonaŭ padrychtavali śviatočnuju prahramu dla haściej, padčas jakoj u prysutnych budzie mahčymaść navučycca tancavać pałanez.
Na kirmašy budzie arhanizavany prodaž hryboŭ, jahad, aharodniny, miascovych tavaraŭ žyviołahadoŭčaj vytvorčaści. Narodnyja majstry vystaviać na prodaž svaje vyraby. Kali vam jość što pakazać, vy taksama možacie pryniać udzieł u kirmašy, damoviŭšysia z arhanizatarami pa telefonach: 801592‑92136; 8029‑3786306.
