Fota: depositphotos.com.
Časam takaja baraćba pieratvarajecca sa zvyčajnaj kankurencyi ŭ palityčnaje pytańnie abarony svajoj identyčnaści. Naprykład, ciapier francuzski hladač, kali ŭ jaho ŭstalavanaja technałohija Connected TV, moža prosta nacisnuć knopku na pulcie ad televizara i adrazu pierajści da płatformy Netflix, piša Politico.
Nie ŭsie z hetym zhodnyja. Kiraŭnica kampanii France Télévisions Delfin Ernot Kunsi śćviardžaje, što ŭ takim vypadku stryminhavyja płatformy i nacyjanalnyja kampanii znachodziacca nie ŭ adnolkavym stanoviščy. Kunsi ličyć, što kali na pulcie jość asobnaja knopka dla Netflix, tam taksama pavinna być i knopka dla France Télévisions.
Inšyja nacyjanalnyja telekanały, jak kaža spadarynia Kunsi, taksama pavinny prysutničać u značnym pamiery na teleekranach francuzaŭ. Bo inakš, ličyć kiraŭnica France Télévisions, jość ryzyka taho, što nacyjanalnyja telekanały źniknuć.
Kab na pultach ad televizaraŭ była adpaviednaja knopka, stryminhavyja siervisy zaklučajuć kamiercyjnyja pahadnieńni z vytvorcami pryładaŭ, naprykład, z kampanijaj Samsung. Kunsi aścierahajecca, što nacyjanalnyja kampanii nie zdolejuć zaklučać anałahičnyja damovy z technałahičnymi hihantami.
Nie tolki Francyja skardzicca na Netflix. Inšyja krainy Jeŭropy taksama adčuvajuć na sabie ŭzmacnieńnie kankurencyi pamiž nacyjanalnymi kanałami i zamiežnymi stryminhavymi servisami. Heta nie tolki Netflix, ale i inšyja resursy nakštałt Amazon Prime Video i Disney+, bolšaść ź jakich rodam z ZŠA. Ciapier da ich dadajecca jašče adna płatforma — HBO Max, tamu kankurencyja budzie jašče macniejšaj.
