Alaksiej Bahdanaŭ. Fota: ANT.
«My, biezumoŭna, praciahniem i ŭ 2022 hodzie rehulavańnie cenaŭ, jakoje ŭ nas siońnia jość: abmiežavanyja ŭzrovień rentabielnaści vytvorcy i ŭzrovień handlovaj nadbaŭki.
Bolš za 10% rentabielnaści i bolš za 30% handlovaj nadbaŭki nielha. Buduć karacca štrafami tyja parušalniki, jakija trapiacca na takim parušeńni zakanadaŭstva ab cenaŭtvareńni», — skazaŭ Bahdanaŭ.
Taksama, pa jaho słovach, buduć prymacca zachady žorstkaha cenavaha rehulavańnia na tyja tavarnyja hrupy, jakija zaśviedčać imklivy rost u canie. Naprykład, jak heta było z harodninaj ci naboram dla baršča.
«My pastarajemsia razam z usimi zacikaŭlenymi viedamstvami maksimalna zabiaśpiečyć unutrany rynak ajčynnaj pradukcyjaj. Dolu jaje budziem pavialičvać. Heta dazvolić strymać inflacyju, bo my sami jaje vyrabili, jana apryjory tańniej i nie tak razahravaje rynak.
Akramia taho, u nas jość šyroki śpiektr antymanapolnych funkcyj. My budziem i dalej adsočvać cenavyja zmovy, kartelnyja zmovy, kab hetaha nie adbyvałasia», — dadaŭ kiraŭnik MARH.
Jon adznačyŭ, što niadaŭna ŭ Łukašenki abmiarkoŭvaŭsia novy ŭkaz «Ab udaskanaleńni sistemy dziaržaŭnych zakupak». U im zakładzieny jašče adzin miechanizm: da dziaržaŭnych zakupak nie buduć dapuskacca afilijavanyja asoby, jakija mohuć ustupać u cenavyja zmovy i hulać na pavyšeńnie pry zakupcy tych ci inšych tavaraŭ.
Čytajcie taksama:
Biełstat: Za hod ceny na pradukty vyraśli na 12 pracentaŭ
«Kraina stračvaje mahčymaści raźvićcia». Ekanamisty pra toje, što budzie z cenami i zarobkami biełarusaŭ u 2022 hodzie
MARH znajšoŭ, chto zavyšaje ceny na harodninu. Bujnym sietkam dali štrafy
