Biełaruska-rasijskija vučeńni na palihonie pad Brestam. Fota Minabarony Rasii.
Amierykanskaje vydańnie Politico i niamieckaje vydańnie Spiegel paralelna napisali sa spasyłkaj na krynicy ŭ stalicach troch roznych krain, što Vašynhton pieradaŭ sajuźnikam dadzienyja raźviedki pra toje, što napad Rasii na Ukrainu zapłanavany na sieradu 16 lutaha.
Napad nibyta maje pačacca z kibieratak i bambardzirovak stratehičnych abjektaŭ.
Ahienctva Bloomberg, spasyłajučysia na nieviadomaha čynoŭnika, nazyvaje inšuju datu — 15 lutaha.
Telekanał Si-En-En i «Vašynhton post», u svaju čarhu, paviedamlajuć sa spasyłkaj na svaje krynicy ŭ amierykanskaj administracyi, što ZŠA jašče ŭvosieni pryniali rašeńnie ahučvać raźvieddadzienyja adnosna zapłanavanaha Rasijaj napadu na Ukrainu, kab heta nie mahło zdarycca niečakana.
