«Biełaruś upuskaje ŭ svaju krainu tysiačy rasijskich vajskoŭcaŭ na miažu z Ukrainaj. ZŠA pavinny dakładna dać zrazumieć, što da luboj krainy, jakaja padtrymaje sproby Rasii ŭvarvacca va Ukrainu, buduć prymienienyja žorstkija ekanamičnyja i dypłamatyčnyja sankcyi», — havorycca ŭ zajavie sienatara.
ZŠA nie buduć rabić adroźnieńniaŭ pamiž Rasijaj i inšaj krainaj, jakaja sadziejničaje joj u aktach vajskovaj ahresii suprać Ukrainy.
Zakonaprajekt praduhledžvaje ŭviadzieńnie sankcyj suprać Biełarusi abo luboj inšaj krainy, jakaja padtrymlivaje «niepravakavanuju ahresiju Rasii suprać suvierenitetu i terytaryjalnaj cełasnaści Ukrainy».
U pryvatnaści, dziejańniami, za jakija mohuć być uviedzienyja sankcyi, nazyvajucca:
- sumiesny z Rasijaj udzieł va ŭvarvańni va Ukrainu;
- akazańnie materyjalnaj, taktyčnaj ci inšaj padtrymki rasijskamu ŭvarvańniu;
- raźmiaščeńnie na svajoj terytoryi vojskaŭ Rasijskaj Fiederacyi, jakija ŭdzielničajuć u napadzie;
- supracoŭnictva z rasijskaj raźviedkaj padčas uvarvańnia;
- a taksama zakupka abo pieradača śmiarotnaj zbroi, jakaja vykarystoŭvajecca padčas uvarvańnia va Ukrainu.
U paviedamleńni zhadvajecca, što Rasija raźmiaściła kala 30 tysiač vajskoŭcaŭ pablizu miažy Biełarusi i Ukrainy, što źjaŭlajecca najbujniejšym razhortvańniem vojskaŭ u Biełarusi z časoŭ chałodnaj vajny, a taksama pierakinuła 130 tysiač vajskoŭcaŭ na rasijska-ŭkrainskuju miažu i nakiravała ŭ Čornaje mora jašče šeść karabloŭ VMF.