Siońnia ŭ Łukašenki prajšła narada pa procidziejańni sankcyjam.
Pavodle Snapkova, analiz namienkłatury tavaraŭ, jakija impartujucca ŭ Biełaruś z Ukrainy, pakazvaje, što «krytyčna važnych pazicyj tam niama». Usio možna zamiaścić, pieradaje słovy Snapkova BIEŁTA.
Razam z tym pradstaŭnikoŭ ahrapramysłovaha kompleksu niepakoić pytańnie pastavak białkovaj syraviny, jakija ažyćciaŭlalisia z Ukrainy. Hetaje pytańnie, na dumku pieršaha vice-premjera, možna vyrašyć u pierśpiektyvie.
«U aŭtorak budziem razhladać padrychtoŭku da viesnavych palavych rabot, i pytańnie [białkovaj syraviny] absalutna vyrašalnaje — praź sievazvarot. My možam u Biełarusi spakojna vyroščvać raśliny, jakija ŭtrymlivajuć białok, i jakija, biez sumnieńnia, zamieściać ukrainski pradukt», — adznačyŭ čynoŭnik.
Hałoŭnaja pazicyja handlu z Ukrainaj — naftapradukty. Jany składali 70 pracentaŭ biełaruskaha ekspartu.
«Pa naftapraduktach prapracoŭka išła daŭno, i ałharytm dziejańniaŭ pa pieranakiravańni naftapraduktaŭ na rasijski rynak jość. Jon mocna nie paŭpłyvaje na naš źniešniehandlovy abarot, i ŭ tym liku na salda źniešniaha handlu», — padsumavaŭ Mikałaj Snapkoŭ.
