«Telegram-kanały ŭsio čaściej stanoviacca krynicaj niepravieranaj infarmacyi, źviazanaj z ukrainskimi padziejami. U nas niama fizičnaj mahčymaści praviarać usie publikacyi kanałaŭ na dakładnaść.
Zaklikaju karystalnikaŭ z Rasii i Ukrainy z sumnievam stavicca da lubych źviestak, jakija raspaŭsiudžvajucca ŭ Telegram u hety čas.
My nie chočam, kab Telegram vykarystoŭvaŭsia jak instrumient, jaki ŭzmacniaje kanflikty i raspalvaje mižnacyjanalnuju varožaść.
U vypadku eskałacyi situacyi my razhledzim mahčymaść častkova abo całkam abmiežavać pracu telehram-kanałaŭ va ŭciahnutych krainach na čas kanfliktu», — zajaviŭ jon.
Paźniej mnostva karystalnikaŭ źviarnułasia da Paŭła Durava z prośbaj nie adklučać Telegram-kanały na pieryjad kanfliktu, bo dla mnohich jany — adzinaja krynica infarmacyi.
«U suviazi z hetymi zvarotami my pryniali rašeńnie nie razhladać padobnyja miery. Adnak jašče raz prašu pierapraviarać i nie prymać na vieru źviestki, jakija publikujucca ŭ Telegram-kanałach u hety niaprosty pieryjad», — zajavili ŭ kiraŭnictvie Telegram.
