Pahladzieli, što možna kupić u «Biełavii».
Voźmiem Hruziju. U Tbilisi najbližejšy rejs, na jaki jašče zastalisia kvitki, — na 30 sakavika, u Batumi — na 1 krasavika, u Kutaisi — na 30 sakavika. Cana na ŭsie kirunki — 470 dalaraŭ. Dla paraŭnańnia: na maj kvitki ŭ Batumi pradajucca za 150-200 dalaraŭ.
Dalej Turcyja. U Stambuł možna palacieć nie raniej za 17 sakavika. Cana na kvitok — 600 dalaraŭ. Kali brać na kaniec sakavika, to jość varyjanty za 495 dalaraŭ. U mai taki ž rejs kaštuje kala 230 dalaraŭ.
U Antalju pradajucca kvitki na 6 sakavika za astranamičnyja 1700 dalaraŭ. Heta ŭsio, što zastałosia — biznes-kłas ź vielmi doŭhaj pierasadkaj u Maskvie. Na kaniec sakavika jość varyjanty za 455 dalaraŭ.
Jość rejsy va Uźbiekistan. U Taškient možna kupić kvitok choć na zaŭtra — za 475 dalaraŭ. Kali brać praz tydzień, to jość varyjanty za 245 dalaraŭ, ale amal ź dzionnaj pierasadkaj u Maskvie. Pramyja rejsy ŭ mai ŭžo tańniejšyja — pa 195 dalaraŭ na čałavieka.
Najližejšy dastupny rejs u Armieniju — u Jerevan — na 11 sakavika. Kaštuje jon 420 dalaraŭ. U krasaviku ŭ hety horad pramym rejsam ź Minska možna palacieć za 200 dalaraŭ, u mai — užo za 100.
A voś što ŭ kirunku Abjadnanych Arabskich Emirataŭ. U Abu-Dabi kvitki pradajuć za 632 dalary — praz Maskvu na 7 sakavika. U kancy miesiaca takija ž rejsy (ci navat z karaciejšaj pierasadkaj) abyducca ŭ 400 dalaraŭ na čałavieka.
Kvitki ŭ Dubaj na bližejšyja dni (heta z 7 sakavika) pradajuć za 570 dalaraŭ. Kali kuplać na paźniešyja daty ŭ sakaviku, to heta kala 300 dalaraŭ.
Na sajtach pa pošuku avijakvitkoŭ, dzie sabranyja prapanovy ad roznych kampanij, možna znajści tańniejšyja varyjanty. Prablema ŭ tym, što heta maršruty ź niekalkimi pierasadkami, asobnyja ź ich raźličanyja na dva dni.
Naprykład, u Tbilisi ź Minska 12 sakavika možna vylecieć za 283 dalary. Ale — try pierasadki (u Maskvie, Rastovie-na-Donie i Baku) i dva dni šlachu. U Batumi za 279 dalaraŭ vylet 16 sakavika. I znoŭ ža — dva dni darohi i dźvie pierasadki (u Krasnadary i Stambule).
Čytajcie taksama:
Vajna va Ukrainie. Dzień vośmy ANŁAJN
«Da 80% usioj biełaruskaj IT-haliny źniknie». Tysiačy prahramistaŭ ź siemjami biahuć ź Biełarusi prosta ŭ hetyja chviliny
«Imiony pierapisvali ŭručnuju». Pasažyry raskazajuć ab prablemach na čyhuncy
