Krynica: DaLiu / depositphotos.com
Taksama dla hramadzian Biełarusi spyniajecca pryjom i apracoŭka zajaŭ na doŭhaterminovaje i stałaje žycharstva ŭ Čechii.
Jak zajaviŭ ministr zamiežnych spraŭ Jan Lipaŭski, takoje rašeńnie źjaŭlajecca reakcyjaj na rasijskaje ŭvarvańnie va Ukrainu, u jakim, pa słovach kiraŭnika češskaj dypłamatyi, udzielničaje i Biełaruś.
Ale jość i vyklučeńnie — «vypadki humanitarnaha charaktaru». I heta pakidaje nadzieju na toje, što ad novaj češskaj vizavaj palityki, jakaja, vierahodna, moža być padchoplenaja i inšymi krainami, nie buduć ciarpieć tyja biełarusy, jakija musiać šukać u volnym śviecie abarony ad represij režymu Łukašenki.
Akramia taho, Jan Lipaŭski taksama paviedamiŭ, što Čechija pracuje nad zakryćciom hienieralnych konsulstvaŭ u Sankt-Pieciarburhu i Jekaciarynburhu, što było ŭchvalena ŭradam na minułym tydni.
