«Nijakich atak na Biełaruś nie ździajśniałasia. 61-ja źniščalnaja avijacyjnaja baza vykonvaje płanavyja paloty. U ramkach ich praviadzieńnia padčas vykanańnia palotnaha zadańnia samalot Su-30SM pieraadoleŭ zvyšhukavuju chutkaść, što i stvaryła hukavy ŭdar (subjektyŭna jon usprymajecca jak hrom ci huk ad vybuchu). Da taho ž vajennyja vučeńni i zbory prachodziać i na palihonach», — rastłumačyli ŭ 61-j ZAB.
Mahutnyja vybuchi pozna viečaram 16 sakavika byli čutnyja ŭ Baranavičach, Łunincy, Stolinie, Słucku, inšych haradach.
Tłumačeńnie vajskoŭcaŭ vyklikaje pytańni.
Pa-pieršaje, hukavy ŭdar adčuvaŭsia z zonie ź vialikim radyusam. Ci moh to być adzin samalot?
Pa-druhoje, raniej «płanavyja paloty ź pieraadoleńniem hukavoha barjera» ŭnačy nie pravodzilisia.
Pa-treciaje, paralelna z tym, što zdaryłasia, byli naniesienyja rakietnyja ŭdary pa horadzie Sarny blizka ad biełaruska-ŭkrainskaj miažy, nasuprać linii Stolin — Baranavičy, na jakoj byli čuvać tyja huki.
Pa-čaćviortaje, ukraincy zajavili pra padbićcio dvuch rasijskich samalotaŭ u susiedniaj Kijeŭskaj vobłaści.
Pa-piataje, siońnia ŭnačy prajšli mocnyja bambiožki paŭnočnaŭkrainskaha horada Čarnihaŭ, u vyniku jakich zahinuli 53 žychary.
Ukraina śćviardžała, što rasijskaja avijacyja vylataje na ŭkrainskija abjekty ŭ tym liku ź biełaruskich aeradromaŭ, a rakietnyja ŭdary nanosiacca ŭ tym liku z raźmieščanych u Biełarusi kompleksaŭ «Iskander».
