«U 2020 hodzie padziei ŭ našaj krainie pavinny byli raźvivacca pa takim ža scenaryi, jaki my bačym siońnia na terytoryi Ukrainy. Kali b nie nadziejnaja zasłona siłavoha błoka i žyćciovaja mudraść bolšaści biełarusaŭ, jakuju jany prademanstravali i na niadaŭnim refierendumie pa Kanstytucyi.
Što ž tyčycca ŭsich «prynižanych i abražanych», dla kaho luby kanflikt — tolki nahoda ŭskałychnuć internet-płatformy, raju pabyvać u Daniecku na Alei aniołaŭ. Heta miemaryjalny kompleks u pamiać ab zahinułych padčas uzbrojenaha kanfliktu dzieciach Danbasa. Kala 150 imionaŭ. Dvaim samym małodšym nie było i hoda. Nas, słavian, sutykajuć iłbami, prydumlajučy ŭjaŭnyja pryčyny. Heta strašna. My naadvarot pavinny abjadnacca. A jašče kožny z nas pavinien zajmacca svajoj spravaj. Dla mianie jak staršyni rajvykankama zaraz važna pravieści pasiaŭnuju, važna ruchać napierad vytvorčyja pakazčyki, jakich my dasiahnuli».
Zabityja Ukrainaj dzieci Danbasa — naratyŭ, jakim rasijskaja i ź niadaŭnich por biełaruskaja prapahanda apraŭdvajuć uvarvańnie va Ukrainu i jaki naŭrad ci apošnija vosiem hadoŭ chvalavaŭ kiraŭnika Śvisłackaha rajona. Ale navat pavodle źviestak «DNR», za apošnija hady kanfliktu cyvilnych, u tym liku dziaciej, va Ukrainie i «DNR» pamierła ŭ dziasiatki razoŭ mienš, čym za niekalki tydniaŭ rasijskaj «śpiecapieracyi».
