Zachodnija sankcyi adčyniajuć novyja mahčymaści dla biełaruskich sielhasvytvorcaŭ. Pra heta Alaksandr Łukašenka zajaviŭ siońnia ŭ Hłybokim na naradzie pa pytańniach raźvićcia ahrapramysłovych abjadnańniaŭ Viciebskaj vobłaści, pieradaje BIEŁTA.
«Momant taki: z adnaho boku, najciažejšaja situacyja. Dušyć nas buduć razam z Rasijaj pastajanna. Vy ž bačycie, što jany nas uklučajuć u śpisy, kab Rasija praź Biełaruś nie abyšła sankcyi, heta značyć, za kampaniju. Ale my ž razumiejem, što im treba zahubić nas, davieści da ŭzroŭniu Ukrainy i nazaŭždy razabracca z hetym, — skazaŭ Alaksandr Łukašenka. — Ale ź inšaha boku, dla vas, ahraryjaŭ, i dla tych, chto vyrablaje sielhastechniku, — ščaście».
Pavodle Łukašenki, zachodnija sankcyi — heta mahčymaść umacavacca na rynkach, asabliva rasijskim.
«Heta mahčymaści, heta šaniec. Kali my hetym šancam nie skarystajemsia, nikoli naša sielskaja haspadarka nie ŭstanie z kaleniaŭ, — niečakana Łukašenka kanstatavaŭ, što naša sielskaja haspadarka na kaleniach. — Tamu siońnia treba praź lubyja ciažkaści, składanaści, ścisnuŭšy zuby vytrymać hety i, mahčyma, nastupny hod. I my pierastroimsia, i budziem pracavać narmalna. Ale vy pavinny dla taho, kab padniacca z kaleniaŭ, atrymać pradukcyju i pradać».
Łukašenka znoŭ pierakłaŭ adkaznaść za svaje rašeńni i palityku, jakija pryviali da kryzisu, na inšych ‒ «ad členaŭ urada da dajarki».
«Niaŭžo vy nie adčuvajecie, jakaja situacyja?! My chočam być niezaležnymi, a pavarušycca na hetuju niezaležnaść nichto nie choča. Ad členaŭ urada da dajarki, — skazaŭ jon. — Tamu kali vy abrali hetuju niezaležnaść, davajcie ŭkałvać. Što tut vy mnie hetyja ličby krucicie-krucicie. Treba małako i miasa! U vas jość vytvorčyja mahutnaści, pierapracoŭčyja. Zahruzicie ich, i ja da vas pretenzij mieć nie budu. Tady ŭ vas buduć hrošy».
«Što vy cielapajeciesia i hladzicie adzin na adnaho?! Pačynajcie z kadraŭ! Naviadzicie paradak», — zapatrabavaŭ jon.
Łukašenka: Biełaruś ciapier budzie addavać daŭhi ŭ rublach. Ekanamist: Nie budzie!
Uźvinčany Łukašenka ŭ intervju japonskamu TB: Rasija ŭ hetaj vajnie nie prajhraje!
