U bankach, aproč pryfrantavych haradoŭ, adnaviŭsia prodaž valuty. Kurs u abmieńnikach składaje 32 — 34 hryŭni za $ (pierad vajnoj było 29 — 30).
Jak raskazaŭ namieśnik staršynia Nacbanka Ukrainy, «reziervy NBU ciapier navat vyšejšyja, čym da vajny. My tracim ich dla zabieśpiačeńnia patreb krytyčnaha impartu».
Pa jaho słovach, finansavuju stabilnaść udałosia ŭtrymać dziakujučy reformam, praviedzienym u 2014 — 2022 hadam. Valutnyja reziervy na 1 sakavika składali $27,5 młrd, tady jak u kancy kiravańnia prarasijskaha Viktara Janukoviča jany byli ŭsiaho 14 młrd dalaraŭ, u vyniku čaho padčas pieršaha napadu Rasii, u 2014 hodzie, hryŭnia źniaceniłasia ŭ try razy.
U toj ža čas ekanamičnaja škoda ad napadu Rasii i Biełarusi na Ukrainu hihanckaja. Pa acenkach ekanamistaŭ, straty ŭ 2022 hodzie mohuć skłaści 10 — 25% ad VUP. Ukraina, jakaja apošnija hady źbirała rekordnyja ŭradžai, hetaj viasnoj u zonie bajoŭ moža nie adsiejacca.
