«Ja pieršy za NATA. Ja pačaŭ pracavać z NATA lejtenantam, u 1999 hodzie. A Vy? U videa, jakoje vy ciahajecie, dzie «…Arastovič pradkazaŭ vajnu ŭ 2019 hodzie», vyrazna skazana mnoj: košt za ŭstupleńnie ŭ NATA — vialikaja vajna z Rasiejaj. Pryčym niezaležna ad taho, chto budzie na čale RF i Ukrainy. Kali Parašenka zabivaŭ hetuju normu ŭ Kanstytucyju, heta videa i masa papiarednich z tymi ž tłumačeńniami daŭno byli zapisanyja i vykładzienyja publična. Tady vy kryčali «psich», siońnia — «zdradnik». Ale ja vam adkryju maleńki sakret. Pryčyna nie ŭ tym, što chtości psich abo zdradnik. Pryčyna ŭ tym, što vy — bajaźliŭcy i dziatły.
<…>
1. Pakažycie, jakuju kankretnuju dapamohu akazała NATA Ukrainie (jak arhanizacyja), pačynajučy z 24 lutaha hetaha hoda?
2. Adkažycie sabie na pytańnie: što aznačaje adsutnaść zaprašeńnia Ukrainy na ekstrannuju naradu NATA 26 lutaha hetaha hoda — na trecija sutki aktyŭnaj fazy ahresii? Hruziju i Małdovu zaprasili — nas niama.
3. Adkažycie sabie — što aznačajuć zajavy palityčnaha kiraŭnictva viadučych dziaržaŭ NATA?
Kali nabieraciesia advahi i zmožacie adkazać, možna pierachodzić da nastupnaha — hałoŭnaha — pytańnia: jakija formy i sposaby zabieśpiačeńnia biaśpieki Ukrainy my ŭsie pavinny znajści, kali my ŭ NATA chočam, a jano nas nie choča?»