«U adździele rekrutynhu Itransition pracuje kala 50 čałaviek. Ź ich 30 — heta asistenty rekrucioraŭ i sorsiery, a 20 — sami rekruciory. Uvieś adździeł sorsinhu adpravili ŭ biesterminovy adpačynak za svoj košt z 1 sakavika. Pra heta i prypynieńnie najmu ŭ RB i RF «u suviazi ź situacyjaj u śviecie» paviedamili na ahulnym sazvonie», — raspavioŭ rabotnik adździeła sorsinhu Itransition.
Historyju paćvierdziŭ jašče adzin supracoŭnik kampanii, jaki sam patrapiŭ pad skaračeńnie:
«Skaracili 30 sorsieraŭ i rekrucioraŭ. Spačatku nas adpravili ŭ adpačynak za svoj košt i zabłakavali karparatyŭnyja akaŭnty, a siońnia (8 krasavika) abviaścili pra skaračeńnie. Kiraŭnictva na suviaź nie vychodzić, infarmacyju pra skaračeńnie nam pieradali inšyja rekruciory.
Zvalnieńni patłumačyli tym, što ŭ bližejšyja 2-3 miesiacy najmańnie ŭ kampanii całkam spynienaje. Jašče tydzień tamu nam kazali pra palapšeńnie situacyi i viartańnie supracoŭnikaŭ z prymusovaha adpačynku. Siońnia płany ŭ kiraŭnictva rezka źmianilisia».
Pa słovach krynic, rekrucioraŭ prosiać pisać zajavy na zvalnieńnie pa ŭłasnym žadańni, kampiensacyj nie prapanujuć.
U Itransition infarmacyju ab skaračeńni adździeła sorsinhu i prypynieńni najmu ŭ Biełarusi nie prakamientavali.
***
Itransition Group — mižnarodnaja IT-kampanija ŭ halinie raspracoŭki prahramnych rašeńniaŭ i IT-kansałtynhu. Pradastaŭlaje kompleks pasłuh pa raspracoŭcy PZ, intehracyi mabilnych prahram, stratehičnaha i technałahičnaha IT-kansałtynhu, testavańnia, supravadžeńnia i padtrymki PZ. Ofisy jość u Biełarusi, Rasii, Vialikabrytanii, ZŠA, Polščy, Łatvii, źbiralisia adkryć u Litvie.
Pa danych 2021 hoda, u biełaruskich ofisach Itransition pracuje 2500 čałaviek (4-je miesca ŭ krainie pa pamiery štatu).
