«Na dadzieny momant adnaznačna ničoha skazać nielha. Vajskoŭcy-miniory v/č 7404 abśledavali abłomki. Vybuchovaniebiaśpiečnych rečyvaŭ nie vyjaŭlena. Pahrozy dla ludziej nijakaj. Ciapier pracuje adpaviednaja hrupa. Pa vynikach budzie zroblena adpaviednaje zaklučeńnie i dadziena infarmacyja», — skazaŭ Kanavałaŭ stolinskaj rajoncy.
7 krasavika paśla 11:00 žychary viosak Cierabličy, Azdamičy i Alhomiel na samym uschodzie Stolinskim rajonie čuli mocny huł, a paśla vybuch i bačyli dym. Paźniej u sacsietkach źjavilisia fatahrafii abłomkaŭ latalnaha aparata, znojdzienyja ŭ hetym rajonie.
Pakolki dakładnaj aficyjnaj infarmacyi niama, niezaležnyja ŚMI i błohiery pakul mohuć tolki, rajačysia z ekśpiertami, rabić zdahadki.
Zrazu, aryjentujučysia pa fatahrafijach, paličyli, što heta moža być małahabarytny turbareaktyŭny ruchavik sieryi TRDD (turbareaktyŭny dvuchkonturny ruchavik), jaki vykarystoŭvajecca ŭ rasijskich kryłatych rakietach typu «Kalibr», R-500 i inšych.
Paśla ž u błohiera Antona Matolki prajšła infarmacyja, što na Stolinščynie ŭpała ci była źbitaja supraćkarabielnyja rakieta Ch-35UE. Takija rakiety mohuć nieści na sabie źniščalniki-bambaviki Su-34. Niezadoŭha da vybuchu było zafiksavana, što z vajskovaha aeradroma ŭ Baranavičach pajšli na ŭźlot u bok Ukrainy dva źniščalniki. Tamu vykazvajecca viersija, što albo rakieta prosta advaliłasia ad źniščalnika, albo pry zapusku ŭźnikli prablemy i rakieta ŭpała ŭ pole ŭ Biełarusi.
Rakieta Ch-35UE i abłomki na Stolinščynie