Tank T-80. Fota Ministerstva abarony Kipra
Prezident Kipra Nikas Anastasijadzis stanoŭča ŭspryniaŭ zapyt ZŠA ab pieradačy ŭzbrajeńnia savieckaj vytvorčaści Ukrainie. Na ŭzbrajeńni armii Kipra jość zienitna-rakietnyja kompleksy «Tor» i «Buk». Taksama Kipr hatovy pieradać Ukrainie tanki T-80, jakija kupiŭ u Rasii ŭ druhoj pałovie 1990-ch i ŭ pačatku 2010-ch.
U infarmacyi, jakuju pryvodzić vydańnie, havorycca pra toje, što Kipr zacikaŭleny ŭ pieradačy rasijskich sistem Ukrainie, kali zmoža atrymać im adekvatnuju zamienu.
Siarod inšaha na Kipry ŭličvajuć, što rasijskuju zbroju krainie budzie i tak ciažka ŭtrymlivać z-za maštabnych sankcyj, pad jakija trapiła Rasija.