Jak raspavioŭ u intervju nv.ua sakratar Rady nacyjanalnaj biaśpieki i abarony Ukrainy Alaksiej Daniłaŭ, razmova Pucina i Kadyryva adbyłasia jašče 3 lutaha.
«Płan atrymaŭ 3 lutaha Kadyraŭ pry naviedvańni Pucina. Na hetaj sustrečy byŭ uzhodnieny płan likvidacyi našaha prezidenta i Kadyraŭ braŭ na siabie abaviazacielstva, što jaho hrupoŭka heta zrobić. Naša raźviedka adsočvała hetyja pracesy», — raspavioŭ Daniłaŭ.
«Byli try hrupy, jakija zachodzili 26 lutaha na terytoryju našaj krainy. Nie 24 lutaha, bo jany čakali dva dni, što im daduć zialony kalidor na centralny kvartał stalicy. My adsočvali ŭsie hetyja try hrupy. Adna ź ich była źniščanaja našymi vajskoŭcami. Dźvie paśla hetaha syšli z terytoryi našaj krainy. Adna siońnia znachodzicca na terytoryi Danieckaj vobłaści, inšaja — na terytoryi horada Maryupal, ale jany nie ŭ pieršych šerahach iduć, a ŭ trecim-čaćviortym ešałonie, dzie całkam biaśpiečna», — raskazaŭ Daniłaŭ.
