U novaj redakcyi hety punkt budzie hučać tak:
«Śmiarotnaje pakarańnie za padrychtoŭku da złačynstva i zamach na złačynstva nie pryznačajecca, za vyklučeńniem zamachu na ŭčynieńnie złačynstvaŭ, praduhledžanych:
častka 2 artykuła 124 (Akt teraryzmu ŭ adnosinach da pradstaŭnika zamiežnaj dziaržavy abo mižnarodnaj arhanizacyi);
Častka 3 artykuła 126 (Akt mižnarodnaha teraryzmu);
častka 3 artykuła 289 (Akt teraryzmu, učynieny arhanizavanaj hrupaj, albo z prymianieńniem abjektaŭ vykarystańnia atamnaj enierhii, albo z vykarystańniem radyjeaktyŭnych rečyvaŭ albo jadziernych materyjałaŭ, mocnadziejnych, taksičnych chimičnych ci bijałahičnych rečyvaŭ abo spałučanyja z zabojstvam čałavieka);
častka 2 artykuła 359 (Zabojstva dziaržaŭnaha abo hramadskaha dziejača, učynienaje ŭ suviazi ź jaho dziaržaŭnaj ci hramadskaj dziejnaściu ŭ metach akazańnia ŭździejańnia na pryniaćcie rašeńniaŭ orhanami ŭłady).
Akramia taho ŭ ciapierašniaj redakcyi Kodeksa pakazana, što śmiarotnaje pakarańnie pryznačajecca «za asabliva ciažkija złačynstvy, spałučanyja z naŭmysnym pazbaŭleńniem žyćcia čałavieka pry abciažvajučych abstavinach». Deputaty prapanavali ŭdakładnić hety punkt, dadaŭšy ŭ jaho złačynstvy, sankcyja jakich užo praduhledžvaje śmiarotnaje pakarańnie ŭ adpaviednaści ź dziejnym KK: č. 2 art. 124, č. 3 art. 126, č. 3 art. 289 i č. 2 art. 359.
27 krasavika deputaty Pałaty pradstaŭnikoŭ Nacyjanalnaha schodu pryniali zakonaprajekt ab źmienach u Kryminalny kodeks u dvuch čytańniach. Zaraz dakumient pavinny ŭchvalić u Saviecie Respubliki, potym jaho pavinien padpisać Alaksandr Łukašenka. Kali heta adbudziecca, źmieny ŭ Kryminalny kodeks ustupiać u siłu praz 10 dzion paśla aficyjnaha apublikavańnia papravak.