U kampanii situacyju prakamientavali tak: «U suviazi z admovaj avijacyjnych uładaŭ Hruzii ŭ vydačy dazvołu na papiarednie ŭzhodnienuju kolkaść rejsaŭ u aeraport Batumi ŭ siezonie leta-2022, «Biełavija« vymušanaja skaracić kolkaść rejsaŭ pa hetym kirunku.
Na ciapierašni momant śpiecyjalisty avijakampanii prapracoŭvajuć nastupnyja varyjanty:
• pierasadka pasažyraŭ na anałahičny rejs — u Batumi, jaki vykonvajecca ŭ inšy čas;
• pierasadka pasažyraŭ na rejs z prylotam u aeraport Kutaisi. Adlehłaść pamiž Batumi i Kutaisi składaje kala 150 km.
Rejsy Minsk — Tbilisi — Minsk buduć vykonvacca štodzień.
Avijakampanija apaviaščaje pasažyraŭ ab źmienach z dapamohaj SMS-paviedamleńniaŭ, adnak prosić samastojna praviarać status rejsa i čas vyletu na sajcie avijakampanii ŭ raździele «Status braniravańnia.
Pasažyry admienienych rejsaŭ mohuć viarnuć hrošy za avijabilety biez utrymańnia na praciahu terminu ich prydatnaści. Viartańnie robiać pa miescy nabyćcia avijabileta.
