Fota: pixabay.com
Pieraklučycie telefon u režym ekanomii enierhii
Taki režym zaraz jość u šmat jakich telefonach. Jon chutka vyklučaje ci źnižaje da minimuma šmat jakija charaktarystyki ŭ pracy telefona, što dapamahaje zekanomić enierhiju. Naprykład, heta jarkaść dyspleja, aŭtamatyčnaja zahruzka dakumientaŭ i abnaŭleńniaŭ dla dadatkaŭ i inšaje.
Adklučycie adsočvańnie łakacyi
Niekatoryja mabilnyja dadatki praciahvajuć adsočvać vaša znachodžańnie, navat kali vy imi nie karystajeciesia, i hetaja funkcyja moža pahłynać šmat enierhii z akumulatara telefona. Tamu varta adkryć u telefonie naładki i abo adklučyć adsočvańnie łakacyi dla ŭsich dadatkaŭ, abo pakinuć hetuju funkcyju tolki dla tych dadatkaŭ, u jakich jana sapraŭdy patrebnaja.
Zrabicie ekran mienš jarkim
Dyspłej telefona — adna z tych jaho častak, kudy sychodzić najvialikšaja kolkaść enierhii. Kali vam nie patrebny vielmi jarki dyspłej, zrabicie jaho trochi (ci našmat) ciamniejšym, i heta dapamoža vam sekanomić enierhiju. Možna vybrać na telefonie aŭtajarkaść, kab telefon aŭtamatyčna vybiraŭ patrebny ŭzrovień aśviatleńnia.
Uklučycie ciomny režym na telefonie
Kali ŭ vašaha telefona OLED-ekran (jon jość u bolšaści sučasnych smartfonaŭ), to vy možacie nie tolki źnizić jarkaść, ale i pieraklučycca na ciomnuju temu. Heta taksama trochi ekanomić enierhiju, bo ciomnyja piksieli ŭ takim vypadku nie vykarystoŭvajuć elektryčnaść, jany prosta adklučanyja.
Kali ŭ vas iPhone, znajści ciomny režym možna ŭ raździele naładak «Ekran i jarkaść», kali majecie Android — u raździele «Dyspłej».
Vyklučycie dostup da Wi-Fi
Jak i Bluetooth, kali nie vykarystoŭvajecie jaho. Hetyja funkcyi źjadajuć šmat zaradu.
Zakryjcie dadatki, jakija źjadajuć šmat zaradu
Tyja ž prahramy na vašym smartfonie, na jakija sychodzić bolšaść vašaha času, taksama jaduć i šmat enierhii. Heta sacsietki i miesendžary nakštałt Facebook, Instagram, LinkedIn, Snapchat, YouTube i WhatsApp, a taksama ŭsio, što źviazana z prahladam videa.
Taksama varta adklučyć paviedamleńni ad dadatkaŭ i ŭpeŭnicca, što jany nie vykonvajuć nijakich składanych zadańniaŭ u fonavym režymie — naprykład, nie zahružajuć novy płejlist ci nie kapijujuć vašy fota.
Uklučycie palotny režym
Kali vam nie patrebny internet na telefonie, uklučycie na im palotny režym, i heta dakładna sekanomić vam niamała enierhii. Jašče adzin bonus: u takim vypadku vy dakładna nie budziecie tracić enierhiju telefona na niepatrebnyja resursy.