Pakul ža sudovyja pasiedžańni buduć prachodzić u adnym z karpusoŭ byłoha PTV-50, paviedamlaje miascovaje vydańnie «Ranak».
Budynak byŭ uźviedzieny ŭ 1976 hodzie, tamu naśpieła nieabchodnaść istotnaha abnaŭleńnia, piša «Ranak».
Ad ciapierašniaha dvuchpaviarchovaha (zrešty, z paŭnavartasnym padziemnym paviercham) budynka pakinuć tolki źniešnija ścieny: zdymuć dach, demantujuć akonnyja i dźviarnyja błoki, źniasuć ŭnutranyja ścieny i pieraharodki, uzarvuć padłohi i zdymuć padviesnyja stoli, prybiaruć leśvičnyja maršy, raźbiaruć cahlanuju ścianu…
Prajektam rekanstrukcyi budynka praduhledžana pavieličeńnie vyšyni pamiaškańniaŭ isnujučaha padziemnaha pavierchu da 2,5 m, i nadbudova treciaha paviercha. Taksama da budynka prybudujuć vielizarnaje trochpaviarchovaje kryło. Dla zručnaści supracoŭnikaŭ i naviedvalnikaŭ suda, u budynku budzie zmantavany lift.
Siarod inšaha, miarkujecca, što na pieršym paviersie ŭ prybudavanaj častcy raźmieściacca dźvie zały sudovych pasiadžeńniaŭ: dla kryminalnych spraŭ (da 40 čałaviek) i dla hramadzianskich (da 20 čałaviek), a taksama daradčyja pakoi, pakoj dla śviedak, kabiniety dla prakurora i advakata, inšyja pamiaškańni.
Na druhim paviersie budzie kabiniet staršyni suda, pakoj adpačynku, pryjomnaja, archiŭ skončanych kryminalnych spraŭ, kabiniety dla supracoŭnikaŭ suda i pakoj śviedak, sanvuzły. U prybudovie: jašče dźvie zały sudovych pasiadžeńniaŭ, daradčyja pakoi dla sudździaŭ i pakoj dla śviedak, kabiniety supracoŭnikaŭ i techničnaha piersanału suda.
U nadbudavanym paviersie abstalujuć kabiniet abłasnoha suda, niekalki pamiaškańniaŭ słužbovaha i haspadarčaha pryznačeńnia, a ŭ prybudovie — piatuju zału sudovych pasiadžeńniaŭ (dla słuchańnia kryminalnych spraŭ da 40 čał.), pryjomnyja, kabiniety sudździaŭ, daradčy pakoj dla sudździ, pakoj dla śviedak i inšyja kabiniety.
Unutry budynka buduć zmantavanyja novyja sistemy prymusovaj vientylacyi i kandycyjanavańnia pavietra, kabiniety i zały sudovych pasiadžeńniaŭ abstalujuć sistemami videakanfierencsuviazi, intehravanymi ŭ padsistemu aŭdyjo — i videafiksacyi. Prajektam praduhledžvajecca abstalavańnie abjekta srodkami televizijnaj sistemy videanazirańnia z ustanoŭkaj 13 vonkavych i 52 unutranych videakamier z ubudavanym pražektaram, ustanoŭka dadatkovych videarehistrataraŭ. Pamiaškańni suda raźličany na pracu tut 32 supracoŭnikaŭ.
