«Siońnia budzie vydadzieny ŭkaz, jaki farmalizuje ŭviadzieńnie na terytoryi Chiersonskaj vobłaści bivalutnaha abaračeńnia. Heta značyć, što ŭsie, chto handluje, spačatku majuć prava, a potym buduć abaviazanyja vystaŭlać ceńniki ŭ dźviuch valutach: hryŭni i rasijskim rubli», — skazaŭ Salda.
Kurs budzie ŭstanoŭleny na ŭzroŭni 2 rubli za 1 hryŭniu, paviedamiŭ kiraŭnik akupacyjnaj administracyi ŭ tielehram-kanale. Heta prykładna adpaviadaje kursu rubla da hryŭni, jaki ŭstalavaŭ Centrabank Rasii.
Salda taksama abviaściŭ, što ŭ Chiersonie ŭ najbližejšy čas adkryjecca pieršaje adździaleńnie adnaho z rasijskich bankaŭ, jaki pačnie prymać zajaŭki na adkryćcio rachunkaŭ. Salda byŭ meram Chiersona try terminy zapar z 2002 pa 2012 hady.
Raniej kiraŭnik anieksavanaha Kryma Siarhiej Aksionaŭ zajaviŭ, što i Chiersonskaja, i Zaparožskaja vobłaści buduć «razam z Krymam u miežach adnoj dziaržavy». A rasijski vice-premjer Marat Chusnulin kazaŭ, što Chierson zojmie «hodnaje miesca ŭ rasijskaj siamji», paviedamlaje «Bi-bi-si».
