Fota z Telehrama Siarhieja Hajdaja
Hajdaj nazvaŭ situacyju ŭ Sievieradaniecku «maksimalna składanaj»:
«Atrymałasia akupantam pradušyć terytoryju z uskrain i prasunucca ŭhłyb horada. Tam ciapier iduć i buduć iści jašče vuličnyja bai».
Jon zaklikaŭ žycharoŭ Sievieradaniecka nie vychodzić na vulicu, a zastavacca ŭ chovankach. Taksama Hajdaj paviedamiŭ, što paśla abstrełu evakuacyjnaha transpartu, padčas jakoha zahinuŭ francuzski žurnalist i niekalki čałaviek atrymali ranieńni, evakuacyju z Łuhanskaj vobłaści spynili «da stabilizacyi situacyi pa biaśpiecy».
Raniej kiraŭnik Łuhanskaj AVA zajaviŭ, što ŭ Sievieradaniecku krytyčnaja infrastruktura razburanaja amal na 100%, paškodžana 90% žyłoha fondu.