Adnak pieramoha ŭ im nie harantuje pramoha vychadu na mundyjal. Pieramožca siońniašniaha dvuboju praź niekalki dzion zhulaje suprać Uelsa. I tolki jaho pieramožca pajedzie ŭ listapadzie ŭ Katar.
«Matč u Šatłandyi — heta nadzieja krainy. Pajezdka na čempijanat śvietu ciapier vielmi važnaja dla Ukrainy. Matyvacyja nievierahodnaja», — skazaŭ hałoŭny trenier ukraincaŭ Andrej Šaŭčenka.
«Varta adkłaści vynik i zasiarodzicca na hulni. Nam treba hulać dla zaŭziataraŭ, dla ŭsioj Ukrainy, dla tych, chto doma, dla tych, chto abaraniaje krainu, dla tych, chto pakinuŭ krainu. Viedaju, što stadyjon budzie pierapoŭnieny. Šatłandcy i ŭkraincy buduć baleć za svaje zbornyja. Ja vieru, što my možam pieramahčy, a zatym abyhrać Uels i vyjści na čempijanat śvietu. Hulcy viedajuć, što im treba rabić. Niama nieabchodnaści ŭpłyvać na futbalistaŭ, niešta im kazać. Jany daśviedčanyja hulcy i vydatna ŭsio razumiejuć», — miarkuje Šaŭčenka.
