Da takoj vysnovy pryjšoŭ dyrektar prahramy SAAZ pa nadzvyčajnych situacyjach Majkł Rajan.
Pavodle jaho słoŭ, źmianieńnie klimatu spryjaje chutkaj źmienie ŭmoŭ nadvorja. Heta pryvodzić da zasuchi, a žyvioły i ludzi mianiajuć svaje pavodziny. Vynikam takich pieramien stanovicca toje, što charakternyja dla žyvioł chvaroby pačynajuć pieradavacca ludziam.
Na dumku Rajana, imaviernaść uźniknieńnia infiekcyj, takich jak vospa małpaŭ i lichamanka Łasa, i ryzyki ich raspaŭsiudžvańnia ŭ sučasnym śviecie ŭzrastajuć.
Vospa małpaŭ pradstaŭlaje saboj redkaje virusnaje zachvorvańnie, jakoje moža pieradavacca ludziam ad hryzunoŭ i prymataŭ. Jaho simptomy — lichamanka, hałaŭny bol, a taksama vysypańni na tvary i inšych častkach cieła. Pa padlikach Suśvietnaj arhanizacyi achovy zdaroŭja, kaeficyjent śmiarotnaści pry ŭspyškach vospy małpaŭ nie pieravyšaje 10%.
Pa apošnich źviestkach, paćvierdžana bolš za 550 vypadkaŭ zachvorvańnia na vospu małpaŭ u 30 krainach śvietu. Niadaŭna zafiksavanaja pieršaja śmierć (u Nihieryi). U Biełarusi pakul vypadkaŭ zachvorvańnia nie zafiksavana.
Čytajcie taksama:
Vospa małpaŭ u Jeŭropie. Ci pahražaje nam čarhovaja epidemija?
