Daniel Arteha. Fota: AP Photo / Alfredo Zuniga
«Piersanał, karabli i avijacyja Uzbrojenych siłaŭ Rasijskaj Fiederacyi mohuć zachodzić dla ŭdziełu ŭ treniroŭkach i vučeńniach, a taksama apieracyjach pa akazańni humanitarnaj dapamohi, pošukava-vyratavalnych i avaryjna-vyratavalnych rabotach pry nadzvyčajnych situacyjach abo stychijnych biedstvach», — havorycca ŭ paviedamleńni La Gaceta.
Taksama Arteha dazvoliŭ ujezd u krainu vajennaha piersanału ZŠA, Mieksiki, Kuby, Vieniesueły, Hvatemały, Salvadora, Handurasa i Daminikanskaj Respubliki dla vučeńniaŭ abo akazańnia humanitarnaj dapamohi
Raniej pasoł Rasii ŭ Nikarahua, Handurasie i Salvadory Alaksandr Chacholikaŭ paćvierdziŭ, što rasijskija vajskovyja śpiecyjalisty adkryta i na zakonnych padstavach pracujuć u Nikarahua, a karabli i samaloty ŭ vypadku nieabchodnaści mohuć naviedvać nikarahuanskija party i aeradromy.
Heta dapuskajuć zakony hetaj centralnaamierykanskaj krainy, jakaja paśla viartańnia ŭ 2007 hodzie da ŭłady prezidenta Daniela Artehi (raniej zajmaŭ pasadu ŭ 1985—1990 hadach i byŭ adnym z sajuźnikaŭ SSSR u Łacinskaj Amierycy) źjaŭlajecca adnoj z najbolš pryjaznych da Rasii i jaje palityki dziaržaŭ u śviecie. Dastatkova skazać, što jana adna ź litaralna niekalkich dziaržaŭ, jakaja śledam za Rasijaj pryznała ŭ 2008 hodzie niezaležnaść Abchazii i Paŭdniovaj Asiecii.
