Fota: Valancina Ščerba
— Vy havaryli pra palityku Łukašenki ŭ 2014-m: «Va ŭsiakim razie, žyviom lepiej, čym Ukraina. Takich prablem niama».
— Mieŭ na ŭvazie, što choć Łukašenka i trymaje ŭsio vielmi stroha, u Biełarusi ludzi prynamsi niejak žyvuć. Mienš karupcyi i spakajniej, čym va Ukrainie.
— Ciapier taksama tak dumajecie?
— Adkul mnie viedać — nie byŭ hadoŭ ź dziesiać u Biełarusi. Ciažka naohuł niešta skazać. Mama atrymlivaje piensiju, ja trochi vysyłaju — usio narmalna. Nie viedaju pra inšych ludziej.
Kali kantaktuju ź siabrami, to, viadoma, vielmi mnohija łajuć Łukašenku i ŭvieś hety ład. Kažuć, što vyžyvajuć. Ale znoŭ ža — choć by biez vajny.
Prosta, paŭtarusia, ja nie žyvu ŭ Biełarusi. Z boku aceńvać niapravilna. Kali znachodziŭsia tam, to asabista mnie było kamfortna pry Łukašenku. Jon zaŭsiody dapamahaŭ.
— A jak vy adreahavali na intervju mamy, u jakim jana, miakka kažučy, nie chavała zachapleńnia ad Łukašenki?
— U jaje siem piatnic na tydni. Była na adnym baku — ciapier pierakinułasia na inšy. Sprabuju jaje strymać, kab maŭčała i nikudy nie lezła. Ale heta bieskarysna.
U mamy jość svajo mierkavańnie, i jana jaho vykazvaje, u adroźnieńnie ad mianie. Karaciej, žach.
Ja sam byŭ u šoku, što jana stała suprać Łukašenki i Rasii. Heta tak z pačatku vajny. Mabyć, razmovy sa svajakami z Ukrainy paŭpłyvali.
Nahadajem, što ŭ listapadzie 2020 hoda Valancina Ščerba adnoj ź pieršych padpisała praŭładny zvarot spartśmienaŭ i ŭvohule aktyŭna vykazvałasia za dziejnuju ŭładu, choć u toj čas užo poŭnym chodam išli represii suprać hramadstva. Sam Ščerba ad padpisańnia hetaha lista tady ŭstrymaŭsia, adhavaryŭšysia tym, što jon pa-za palitykaj.
Čytajcie taksama:
73-hadovaja mama Vitala Ščerby padpisała zvarot spartśmienaŭ: Ja malusia na partret Łukašenki rankam i viečaram
