Prezident Rasii padkreśliŭ na sustrečy z maładymi pradprymalnikami, što Piotr I u hady Paŭnočnaj vajny ničoha nie adryvaŭ u Šviecyi, «jon viartaŭ», piša TASS.
«Piotr I Paŭnočnuju vajnu 21 hod vioŭ. Zdavałasia b, vajavaŭ sa Šviecyjaj i niešta tam adarvaŭ. Ničoha jon nie adryvaŭ! Jon viartaŭ», — skazaŭ Pucin. Jon udakładniŭ, što heta adnosicca da «ŭsiaho Pryładažža, tam, dzie siońnia Pieciarburh zasnavany».
Pucin nahadaŭ, što, kali car Piotr zakłaŭ novuju stalicu, nivodnaja z krain Jeŭropy nie pryznavała hetuju terytoryju za Rasijaj. «Usie pryznavali jaje za Šviecyjaj, a tam spakonvieku razam ź fina-vuhorskimi narodami žyli słavianie. Pryčym hetaja terytoryja znachodziłasia pad kantrolem rasijskaj dziaržavy. Toje samaje i ŭ zachodnim kirunku. Heta tyčycca Narvy, jaho pieršaha pachodu», — raspavioŭ Pucin.
Jon adznačyŭ, što z časoŭ Piatra I u suśvietnaj palitycy mała što źmianiłasia. «Miarkujučy pa ŭsim, na našu dolu taksama vypała viartać i ŭmacoŭvać [suvierenitet krainy i jaje spradviečnyja terytoryi], i kali my budziem zychodzić z taho, što hetyja bazavyja kaštoŭnaści składajuć asnovu našaha isnavańnia, my, biezumoŭna, majem pośpiech u vyrašeńni zadač, jakija pierad nami stajać», — skazaŭ Pucin, pravioŭšy anałohiju z epochaj Piatra I.
