Fota: BBC Food
Kab zhatavać jahadnyja tartaletki, vam spatrebicca:
- 400 hramaŭ muki,
- drobka soli,
- 125 hramaŭ raźmiakčanaha masła,
- 245 hramaŭ cukrovaj pudry,
- 2 jajki + 8 žaŭtkoŭ,
- 500 mililitraŭ małaka (3% tłustaści),
- 2 stručki vanili z vydalenym nasieńniem (možna zamianić na 30 hramaŭ vanilnaha cukru ci 3-4 hramy vanilinu),
- pa žadańni — 4 stałovyja łyžki kiršu (možna zamianić na kańjak ci rom),
- 400 hramaŭ kłubnic ci inšych jahad.
- Razahrejcie duchoŭku da 190 hradusaŭ. Raskačajcie masła pamiž dvuma słajami pierhamientnaj papiery da słoja taŭščynioj 1 santymietr i astudzicie ŭ chaładzilniku.
- Padrychtujcie formy dla tartaletak z prykładnym dyjamietram 8-12 santymietraŭ. Trochi zmažcie ich tłuščam i prysypcie mukoj.
- Źmiašajcie ŭ vialikaj miscy 350 hramaŭ muki i sol. Dadajcie masła prosta z chaładzilnika i pieramiašajcie sumieś da adnarodnaści.
- Dadajcie 125 hramaŭ cukrovaj pudry, źmiašajcie jajki i 1 žaŭtok i taksama dadajcie ich u sumieś. Akuratna pieramiešvajcie ciesta skrabkom dla ciesta ci łapatkaj, pakul jano nie źbiarecca ŭ šar.
- Trochi prysypcie mukoj pracoŭnuju pavierchniu, vykładzicie na jaje šar i miasicie jaho, pakul u vas nie atrymajecca hładkaje i miakkaje ciesta. Sfarmujcie ź jaho kvadrat, kab paźniej było lahčej raskačać.
- Pastaŭcie ciesta ŭ chaładzilnik jak minimum na hadzinu, a lepiej za ŭsio na noč.
- Dastańcie ciesta z chaładzilnika i trochi prysypcie mukoj pracoŭnuju pavierchniu. Raskačajcie ciesta da taŭščyni 2-3 milimietry i vykładzicie jaho ŭ 12 formaŭ, pry hetym nie abrazajcie ciesta mocna pa krajach form. Pakładzicie ŭ formy na ciesta pierhamientnuju papieru i zasypcie ich fasolaj. Pakińcie formy ŭ chaładzilniku na 30 chvilin.
- Pieramiaścicie formy dla tartaletak na blachu i vypiakajcie asnovu na praciahu 15 chvilin. Dastańcie z formaŭ papieru i fasolu, zmažcie asnovu ŭźbitym žaŭtkom i znoŭ pastaŭcie formy ŭ duchoŭku na 8 chvilin.
- Dastańcie formy z duchoŭki i dajcie asnovam dla tartaletak astyć 15 chvilin. Potym abrežcie krai i pierakładzicie asnovy na rašotku dla duchoŭki, kab jany dalej astyvali.
- Pamiaścicie małako i vanil u vialiki rondal i daviadzicie da kipieńnia.
- Pakładzicie 6 žaŭtkoŭ, 120 hramaŭ cukrovaj pudry i 50 hramaŭ muki ŭ vialikuju misku i ŭźbivajcie, pakul sumieś nie nabudzie bolš śvietły koler. Pastupova dadavajcie ŭ sumieś ciopłaje małako z vanillu i ŭźbivajcie dalej, potym viarnicie sumieś u rondal. Varycie krem na słabym ahni, pakul jon nie zahuścieje, potym pieralijcie ŭ čystuju misku. Pakładzicie na krem kruh ź pierhamientnaj papiery, kab praduchilić utvareńnie plonki.
- Kali vy žadajecie dadać u krem kirš, zrabicie heta, kali krem astynie.
- Kab sabrać tartaletki, vykładzicie krem u kandytarski miašok i vyciśnicie jaho na vypiečanyja asnovy dla tartaletak. Upryhožcie desiert kłubnicami, čyrvonaj ci biełaj parečkaj abo ažynaj.
Recept dla piknika na vychadnyja. Kuryny šašłyk pa-chutkamu
Recept na vychadnyja. Hrečaskaja zapiakanka pastycya — zornaja strava mižziemnamorskaj kuchni
1
2
1
0
0
0
