Charkaŭ. Fota AP
Jak adznačajecca ŭ sudovym rašeńni, apublikavanym u Dziaržaŭnym rejestry sudovych rašeńniaŭ Ukrainy, hramadzianin Biełarusi źjaŭlajecca vajskovym piensijanieram i maje vyšejšuju vajskovuju adukacyju, paviedamlaje «Radyjo Svaboda».
Znachodziačysia ŭ pasiołku Zarečnaje Varašskaha rajona Rovienskaj vobłaści, biełarus u razmovie ź miascovym žycharom «u kateharyčnaj formie admaŭlaŭ datyčnaść vajskoŭcaŭ Rasii da abstrełaŭ Charkava, Kijeva, Maryupala i inšych ukrainskich haradoŭ, a taksama apraŭdvaŭ źniščeńnie rasijanami televiežy ŭ Roŭnie i abjektaŭ cyvilnaj infrastruktury, tym samym admaŭlajučy i apraŭdvajučy ahresiju Rasii, pačatuju ŭ 2014 hodzie».
Padčas sudovaha razhladu biełaruski vajskovy piensijanier «raskajaŭsia, pryznaŭ svaju vinu» i pajšoŭ na ŭhodu sa śledstvam, dziakujučy čamu atrymaŭ umoŭnaje pakarańnie — pazbaŭleńnie voli na try hady z vyprabavalnym terminam u dva.
Sud abaviazaŭ mužčynu pieryjadyčna źjaŭlacca ŭ orhany prabacyi, a taksama paviedamlać pra źmienu miesca svajho pražyvańnia.
U rašeńni suda adznačajecca, što ŭ jakaści dokazaŭ śledstva kanfiskavała ŭ biełaruskaha vajskovaha piensijaniera try zapalnyja dymavyja patrony, jakija paśla vyniasieńnia pryhavoru musiać być źniščanyja.
Pasiołak Zarečnaje znachodzicca ŭ pamiežnym ź Biełaruśsiu rajonie Rovienskaj vobłaści. Naŭprost praz bałoty i lasy da najbližejšaj biełaruskaj vioski Pare Pinskaha rajona Bresckaj vobłaści krychu bolš za 15 kiłamietraŭ, ale tam niama pamiežnaha punkta. U abjezd adlehłaść miž hetymi nasielenymi punktami składaje 44 kiłamietry.
