Fota: TASS
Deputaty ad partyi «Spraviadlivaja Rasija — Za praŭdu» 1 lipienia, u piatnicu, płanujuć ŭnieści ŭ Dziarždumu zakonaprajekt ab źmienach u zakonie «Ab paradku pryniaćcia ŭ Rasijskuju Fiederacyju». Pra heta RBK raspaviali dźvie krynicy ŭ partyi.
Inicyjatyva praduhledžvaje, što ŭ skład Fiederacyi možna budzie pryniać zamiežnuju dziaržavu abo jaje častku, kali bolšaść hramadzian padzialajuć rasijskija kulturnyja kaštoŭnaści.
Jak rastłumačyli surazmoŭcy RBK, suaŭtarami zakonaprajekta vystupiać deputaty-esery Dźmitryj Kuźniacoŭ, Mikałaj Navičkoŭ i kiraŭnik frakcyi Siarhiej Mironaŭ. Praduhledžvajecca, što inicyjatyva budzie pradstaŭlenaja padčas prezientacyi Jeŭrazijskaj kulturnaj prahramy «Most» deputatam Kuźniacovym i sustaršynioj partyi Zacharam Prylepinym.
Pa zakanadaŭstvie dałučyć zamiežnuju dziaržavu abo jaho častku Rasija moža pa ŭzajemnaj zhodzie i ŭ adpaviednaści ź mižnarodnym dahavoram, «z zaklučanym Rasijskaj Fiederacyjaj hetaj zamiežnaj dziaržavaj».
Pryniaćcie adbyvajecca «na dobraachvotnaj asnovie», skazana ŭ zakonie» ab paradku pryniaćcia ŭ Rasijskuju Fiederacyju i ŭtvareńnia ŭ jaje składzie novaha subjekta Rasijskaj Fiederacyi».
