Skrynšot ź videa incydentu na plažy
«Usio pavinna adbyvacca ŭ ramkach zakona, i kali adpačyvalnik, turyst parušaje paradak, značyć treba vyklikać orhany pravaparadku, a nie ładzić samasud. Padobnaje ŭ pryncypie nie dapuščalna, a bačyć takoje faktyčna na hałoŭnym kurorcie krainy ŭ samy razhar kurortnaha siezonu — uvohule za miežami. Industryja haścinnaści pavinna prajaŭlać asablivy kłopat pra kožnaha hościa. I, dumaju, naśpieła pytańnie ab stvareńni turystyčnaj palicyi ŭ kurortnych zonach.
Rašeńnie administracyi horada Sočy ab skasavańni dahavora arendy całkam padtrymlivaju. Spadziajemsia, što heta pasłužyć urokam usim», — havorycca ŭ zajavie na sajcie viedamstva.
Incydent na plažy adbyŭsia niekalki dzion tamu. Dźvie dziaŭčynki ź Biełarusi, 6 i 14 hadoŭ, zdymali rolik, razdajučy adpačyvalnikam pryhoža narezanuju sadavinu. Supracoŭniki plaža ŭbačyli ŭ ich kankurentaŭ i hruba paprasili syści. Starejšy brat dziaŭčynak, sambist Mikita Harajeŭ, zastupiŭsia za ich, a kali troje rabotnikaŭ pasprabavali prahnać jaho siłaj, pačałasia bojka.
Na padmohu supracoŭnikam plaža pryjšło čałaviek dziesiać z pałkami i žaleznymi prutami. U vyniku dla biełarusa pryjšłosia vyklikać chutkuju. Jon da hetaha času ŭ ciažkim stanie.
Choć supracoŭniki plaža sprabujuć apraŭdacca, śćviardžajučy, što siłu daviałosia im prymianić z-za nieadekvatnych pavodzin Mikity Harajeva, adnak ichnija arhumienty nie vyhladajuć pierakanaŭčymi.
Čytajcie taksama:
«Taki źvier, usich raskidaŭ». Rabotnik sočynskaha plaža raskazaŭ svaju viersiju taho, čamu i jak tam źbili biełaruskaha sambista
Na achoŭnikaŭ, jakija źbili biełaruskaha sambista ŭ Sočy, zaviali kryminalnuju spravu. Jany zatrymanyja
Na plažy ŭ Sočy źbili sambista ź Minska
Fotkaŭsia z Łukašenkam, pracavaŭ u pres-słužbie chakiejnaha «Dynama». Stała viadoma asoba biełarusa, pabitaha ŭ Sočy
