«Słava Ukraina! DMS słava!» — napisała Karyna ŭ Fejsbuku, apublikavaŭšy fota svajho pašparta.
Niekalki dzion tamu ŭ Karyny nie pryniali dakumienty na atrymańnie časovaha VNŽ. Tady supracoŭnica mihracyjnaj słužby zabrała ŭ dziaŭčyny pašpart i papiaredziła, što joj daduć štraf.
Raniej, 30 červienia, Karynie Paciomkinaj uručyli padziaku za vałanciorskuju dziejnaść va Ukrainie. Uznaharodžańnie prachodziła ad imia Bučanskaj terytaryjalnaj hramady.
Padčas uznaharodžańnia Karyny Paciomkinaj za vałanciorstva. Fota: Fejsbuk
«U kožnaj hramady jość svaja praca. U kožnaj nacyi jość rany dla hajeńnia. U kožnym sercy jość siła zrabić heta», — napisała tady vałanciorka na ŭkrainskaj movie.
Karyna pierajechała ź Biełarusi va Ukrainu ŭ śniežni 2021 hoda praz pahrozu palityčnaha pieraśledu, pasialiłasia ŭ Bučy kala Kijeva. Jana praciahvała žyć tam, kali pačałasia rasijskaja akupacyja, paśla zmahła evakujavacca. Na pačatku krasavika, adrazu paśla vyzvaleńnia horada, jana viarnułasia i zajmałasia vałanciorskaj dziejnaściu.
Čytajcie taksama: U biełaruskaj vałanciorki z Bučy nie pryniali dakumienty dla lehalizacyi va Ukrainie
