Fota: «Biełaviežskaja pušča»
Paviedamlajecca, što vyjaŭleny śled daŭžynioj 18 sm, pakinuty maładym miadźviedziem.
Heta ŭžo treci vypadak rehistracyi śladoŭ miadźviedzia ŭ Biełaviežskaj puščy za apošnija dziesiać hadoŭ. Da taho ž niekalki razoŭ žyviolin fiksavali fotapastki. Adnojčy miadźviedź schadziŭ na polski bok i viarnuŭsia nazad.
Jak rastłumačyli ŭ pres-słužbie nacyjanalnaha parka, pavieličeńnie kolkaści rehistracyj miadźviedzia ŭ Biełaviežskaj puščy najbolš vierahodna źviazanaje z rostam ahulnaj kolkaści hetaha vidu ŭ krainie, rostam kolkaści terytoryj, pakrytych lesam, a taksama pavieličeńniem zapaviednaj terytoryi puščy z 30 da 57 ha ŭ apošnija hady.
Pry hetym kazać mienavita pra viartańnie burych miadźviedziaŭ u Biełaviežskuju pušču pakul rana. Pa źviestkach navukovych supracoŭnikaŭ parka, usie viadomyja rehistracyi adnosiacca, chutčej za ŭsio, da maładych vandroŭnych asobin mužčynskaha połu, jakija schilnyja da dalokich padarožžaŭ u pošukach novych, spryjalnych dla pražyvańnia ŭčastkaŭ lesu, i padoŭhu nie zatrymlivajucca na miescy.
