Palitźniavolenaja Natalla Padleŭskaja vyjšła na volu. Sud daŭ joj termin našmat mienšy, čym prasiŭ prakuror
Na sudzie adbyłasia davoli niezvyčajnaja dla našych umovaŭ reč. Prakuror zapatrabavaŭ dla žančyny 2,5 hoda źniavoleńnia. Sudździa abmiežavaŭsia hodam kałonii i štrafam u 100 bazavych vieličyń (3200 rubloŭ). Na praktycy heta abiarnułasia vyzvaleńniem u zale suda, bo adviedzieny termin žančyna ŭžo adsiadzieła, piša «Viasna».
56-hadovuju Natallu Padleŭskuju zatrymali letaś u listapadzie za kamientaryi pra Łukašenku, Kaśjančyk i inšych pradstaŭnikoŭ ułady. Bolš za paŭhoda jaje pratrymali pad śledstvam u SIZA, dzie ŭ jaje abvastrylisia chraničnyja zachvorvańni. Na sudzie, jaki prachodziŭ u zakrytym režymie, žančyna ŭvieś čas była ŭ kajdankach — joj dazvolili źniać ich, tolki kab padpisać dakumienty.
4 lipienia Natalla vyjšła na volu pa zakančeńni terminu, navat nie dačakaŭšysia razhladu apielacyjnaj skarhi.