Fota: TASS
«My źjaŭlajemsia śviedkami hłabalnaj baraćby za inviestycyjny kapitał. Kožnaja druhaja z amal 1,4 tys. bujnych zamiežnych kampanij prypyniła dziejnaść abo całkam syšła z rasijskaha rynku. Uradu varta stvaryć spryjalnyja ŭmovy dla ich rełakacyi ŭ Kazachstan», — skazaŭ Takajeŭ na pasiadžeńni ŭrada ŭ čaćvier.
Jon upeŭnieny, što heta daść Kazachstanu dobryja mahčymaści dla pavieličeńnia vytvorčaści tavaraŭ siarednich i vysokich pieradziełaŭ.
U ciapierašni čas, pa jaho słovach, rełakacyja idzie marudna. «Ja daručaŭ uradu padrychtavać puł inviestycyjnych prajektaŭ u śfiery apracoŭčaj pramysłovaści i adpracavać jaho z patencyjnymi inviestarami. Hetaja praca ŭsio jašče viadziecca ŭ režymie narad i sustreč. U častcy kankretnych vynikaŭ pakul mała čym možna pachvalicca. Novych prajektaŭ pa sutnaści niama», — kanstatavaŭ prezident.