Fota ilustracyjnaje
Zhodna z materyjałami spravy, abvinavačany 1984 hoda naradžeńnia doŭhi čas žyŭ z maci ŭ Vierchniadźvinskim rajonie. Mužčyna nie pracavaŭ, uletku zajmaŭsia zboram hryboŭ i jahad, pierabivaŭsia vypadkovymi zarobkami. Usio zaroblenaje jon traciŭ na pradukty i śpirtnyja napoi, jakija ŭžyvaŭ z maci.
Padčas takich ałkaholnych viačorak, pa słovach susiedziaŭ, u ich domie časta ŭspychvali svarki. Syn niaredka źbivaŭ maci, za što raniej užo pryciahvaŭsia da administracyjnaj adkaznaści.
A ŭ adzin dzień žančynu znajšli miortvaj. Vyniki sudova-miedycynskaj ekśpiertyzy pakazali, što śmierć žančyny nastupiła z-za traŭmatyčnaha šoku ad mnostva naniesienych udaraŭ pa ciele.
Padčas papiaredniaha śledstva padazravany svaju vinu pryznaŭ poŭnaściu i paćvierdziŭ namiery naŭmysna pazbavić maci žyćcia.
