Adpaviedny zakon źjavicca ŭ bližejšy čas.
Pra heta na pres-kanfierencyi zajaviŭ staršynia Vyšejšaha haspadarčaha suda Biełarusi Viktar Kamiankoŭ. Jak pieradaje BiełTA, užo viadziecca padrychtoŭka da adkryćcia takoha suda pry Biełaruskim sajuzie jurystaŭ. Pakul u Biełarusi isnuje tolki adna padobnaja struktura – pry Handlova-pramysłovaj pałacie.
Traciejski sud (arbitraž) – heta niedziaržaŭny orhan, jaki ažyćciaŭlaje jurysdykcyjnuju dziejnaść ŭ častcy razhladu hramadzianskich i haspadarčych sprečak, na asnovie zakonaŭ šlacham prymianieńnia mietadaŭ arbitravańnia. Praktyka razhladu sprečak traciejskimi sudami prymianiajecca ŭ mnohich zachodnich krainach. U ZŠA, naprykład, kala 60% kamiercyjnych sprečak razhladajucca traciejskimi sudami. Da stanoŭčych momantaŭ dziejnaści hetych sudoŭ adnosiacca kanfidencyjnaść, apieratyŭnaść, mienšyja materyjalnyja vydatki ŭ paraŭnańni z rašeńniem sprečak ŭ dziaržaŭnym sudzie, a taksama nieadkładnaje ŭstupleńnie rašeńnia ŭ siłu.