Pra heta zajaviła deputat Dziaržaŭnaj Dumy RF Taćciana Maskalkova na pres-kanfierencyi pradstaŭnikoŭ Sajuznaj dziaržavy ŭ Minsku.
Na jaje dumku, rassakrečvańnie archivaŭ, pra jakoje damovilisia polski i rasiejski premjery padčas vizitu Uładzimira Pucina ŭ Polšču, nijak nie skampramietuje «śvietły vobraz» savieckaha sałdata:
«Praŭda archivaŭ budzie padtrymlivać pazityŭny imidž savieckaha sałdata, tamu što praŭda ŭ hetym i jość. Archivy adkryvajucca tolki dla taho, kab nasamreč zrazumieć iścinu Vialikaj ajčynnaj vajny i Druhoj suśvietnaj vajny ŭ cełym. – miarkuje deputat Dziarždumy. – Treba, kab minuŭ čas dla taho, kab acanić tyja ci inšyja dziejańni vajskovaha kiraŭnictva i acanić rašeńni vajskovych apieracyjaŭ, jakija mahli być zahadzia źviazanyja z bujnymi achviarami».
Maskalkova adznačyła i toje, što ŭłady Rasiejskaj fiederacyi zakłapočanyja apošniaj tendencyjaj falsifikacyi historyi savieckaj pieramohi, jakuju nibyta pravodziać u tym liku i bałtyjskija krainy.
«My zaraz vielmi aktyŭna raźvivajem temu narmatyŭnaha zamacavańnia zabarony na falsifikacyju vynikaŭ Druhoj suśvietnaj vajny. My sutykajemsia nie tolki sa skažeńniem, ale i ź nieprychavanaj chłuśnioj, źviazanaj z rolaj Rasii, Biełarusi i krain SND u vyzvaleńni suśvietnaj supolnaści ad chalery fašyzma, i kali my zaraz nie pastavim barjer na šlachu hetaj falsifikacyi, to my možam dać mahčymaść uzhadavacca novym karaniam fašyzmu. – paviedamiła Maskalkova. –U žniŭni my adznačyli hod hruzina-paŭdniovaasiecinskaha padziej, jakija aceńvajem jak hienacyd. I dziakujem prezidentu Biełarusi za toje, što jon zusim niadaŭna vykazaŭsia z asudžeńniem hruzinskich padziej».
